InicioEconomíaFeijóo sobre a paralización de proxectos do vello hospital: “Non houbo nin...

Feijóo sobre a paralización de proxectos do vello hospital: “Non houbo nin marcha atrás, nin marcha do lado”

Insiste en que "mantén ao 100% os seus compromisos", a pesar de que a acaldesa Lara Méndez denuncia que paralizou os convenios o novo goberno de Pedro Sánchez.

PUBLICADA O

- Advertisement -

O presidente da Xunta, Alberto Núñez Feijóo, negou tallantemente que a súa administración teña paralizado ningún dos proxectos que o seu goberno se comprometeu a realizar no antigo hospital de Lugo, tal e como este xoves denunciou a alcaldesa, Lara Méndez. “Non houbo nin marcha atrás, nin marcha do lado. Nós queremos ir para adiante, pero o freo está para adiante”, ironizou ao ser preguntado por este medio.

O Concello de Lugo denunciou que Xunta de Galicia anulou o trámite imprescindible para realizar o novo complexo da Residencia. Este barrio de Lugo agarda dende hai sete anos por un conxunto de instalacións que, aproveitando o vello Hospital Xeral, reactivarían un enorme espazo en desuso e ampliarían a oferta de servizos. Pero o executivo galego, a través do que Lara Méndez cualificou como “acordo opaco”, négase a que poidan existir usos non sanitarios, como comprometera no plan integral de 2017.

A decisión do Consello de Goberno da Xunta tomouse o 31 de maio, día en que comezou o debate da moción de censura no Congreso dos Deputados. Como resultado, os dous acordos previos que permitían a retrocesión de dous edificios do Vello Xeral quedaban sen efecto. Este procedimento revertía un Real Decreto de 1990 polo que o Estado cedía a Galicia o complexo hospitalario, de uso sanitario exclusivamente.

Preguntado ao respecto, Feijóo negou esta paralización. “Hai unha confusión porque nós presentamos hai un mes o proxecto construtivo para solicitar a licencia. Alí o que queremos facer é o centro integral de saúde. E estamos pendentes de Lugo para que nos dean a licencia. Parece ser que non se enteraron de que tiñan o proxecto no concello e enteraronse varias semanas máis tarde e agora confirmaron que o teñen no concello pendente de outorgamento de licenza”, indicou.

“O que dixen se mantén ao 100%”

Por iso, insistiu que non hai paralización senón “todo o contrario”. “Nós o que queremos é empezar xa as obras”. Neste sentido, indicou que ten a intención de falar co Ministerio de interior para que a nova comisaría de Lugo se manteña e se poida utilizar un dos edificios do antigo complexo hospitalario para ubicala alí.

Tamén dixo que a Xunta está facendo o proxecto para as instalacións dun edificio de emprego que se situará noutros dos complexos do antigo hospital de Lugo. “Polo tanto, todo o que dixen se mantén ao 100%”, insistiu.

“Entón non houbo marcha atrás dos convenios co Estado?”, repreguntou este medio. “Nin marcha atrás, nin marcha do lado. Nós queremos ir para adiante, pero o freo está para adiante”, foi a resposta de Feijóo.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...