O Club Baloncesto Breogán confirmou a fichaxe do base-escolta serbio Aleksandar Cvetkovic, de 24 anos, 1,.88 metros de estatura e que procede do Movistar Estudiantes (Club Estudiantes de Baloncesto), de Liga ACB. A tempada 2016-2017 xogou tamén en Liga ACB con Manresa Básquet. Os seus promedios son de 6.3 puntos, 1.6 asistencias, 0.7 recuperacións e 1.2 rebotes para 6 puntos de valoración en 18 minutos de xogo con 90 % de efectividade en tiros libres, 33 % en triplas e 47 % en lanzamentos de dous puntos. A pasada campaña, xogou con Estudiantes a Basketball Champions League con 5.3 puntos, 1.9 asistencias, 1.3 recuperacións e 1.3 rebotes para 6.3 puntos de valoración por partido.
Aleksandar Cvetkovic completará o trío de bases xunto a Christian Díaz, con contrato en vigor, e o renovado Ricardo Úriz. Cvetkovic é internacional sub 20, sub 19, sub 17 e sub 16 con Serbia sendo subcampión do Mundial sub 19 en 2011 e integrante do mellor quinteto do campionato.
Cvetkovic formouse nas categorías inferiores do Estrella Roja de Belgrado. Entre 2010 e decembro de 2013, compite co primeiro equipo proclamándose campión da Copa en 2013. Despois, ficha polo MZT Skopje de Macedonia ata 2015 gañando unha Copa en 2014 e dous Ligas (2014 e 2015). En 2015, completa a pretempada co Valencia Basket. Na campaña 2015-2016, defende as cores novamente do Estrella Roja.
En 2011, participa no All Star sub 18 do Eurobasket e en 2012 no Nike Hoop Summit co equipo internacional.
O Breogán confirmou sete fichaxes: o citado base-escolta Aleksandar Cvetkovic, o escolta Lucio Redivo, o aleiro Romaric Belemene, así como os pívots Alec Brown, Emir Sulejmanovic (cesión prorrogada por parte do Baloncesto Fuenlabrada e cumprirá a súa segunda tempada correlativa como breoganista), Henk Norel e Volodymyr Gerun. No caso de Cvetkovic, Lucio Redivo, Romaric Belemene, Alec Brown, Henk Norel e Volodymyr Gerun, chegan ao club lucense en propiedade. Ademáis, renovaron o base Ricardo Úriz e o aleiro Johan Löfberg. O base Christian Díaz e os escoltas Sergi Quintela e Salva Arco teñen contrato en vigor. A continuidade de Quintela está en dúbida, segundo confirmou o novo director deportivo, Quique Fraga. O corpo técnico está formado por Natxo Lezkano como primeiro adestrador, que cumprirá a súa terceira tempada consecutiva, e o novo segundo adestrador é Óscar Lata.
