InicioSociedadeBaixan os casos activos e os ingresos, pero volven subir os positivos...

Baixan os casos activos e os ingresos, pero volven subir os positivos diarios

A área sanitaria de Lugo conta 27 pacientes, catro deles na UCI.

PUBLICADA O

- Advertisement -

O total de casos activos por coronavirus na área sanitaria de Lugo segue en descenso. Segundo o reconto ofrecido polo Servizo Galego de Saúde (Sergas) este venres 11 de decembro, Lugo rexistra 571 positivos, 20 menos ca os contabilizados onte. Porén, volven aumentar os casos diarios, ao confirmarse 25 novos positivos a través de PCR nas últimas 24 horas. Onte foran 16.

En canto á presión asistencial, é menor na provincia de Lugo, cuxos hospitais acollen 27 pacientes ingresados con Covid (catro menos).  O Hospital Universitario Lucus Augusti (HULA) atende 14 persoas en planta (-5) e catro na UCI (=), o da Mariña, cinco (+1); e o de Monforte, catro.

Segundo datos ofrecidos polo Sergas, ata o día de hoxe faleceron na área de Lugo 139 persoas por mor da pandemia. Onte comunicábase o deceso dunha muller de 93 anos e un home de 69, este último usuario do asilo de Vilalba.

Por outra banda, na última xornada documentáronse 43 altas, polo que a cifra de persoas curadas pasa a ser de 5.866 dende o inicio da pandemia. Asemade, fixéronse 110.098 probas PCR, das cales 964 se realizaron onte.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...