InicioSucesosDetido en Lugo por causar danos en bares sen levar máscara, cuspir...

Detido en Lugo por causar danos en bares sen levar máscara, cuspir á xente e agredir aos policías

O home causou desfeitas en varios locais da capital.

PUBLICADA O

- Advertisement -

A Policía Nacional detivo na tarde deste xoves a un home de 35 anos por causar desordes e danos en varios bares da cidade sen levar máscara, ademais de insultar e cuspir aos presentes e, posteriormente, resistirse e agredir aos axentes que actuaron.

Sobre este home, segundo informa a Policía Nacional, constan innumerables antecedentes, entre eles unha investigación de domicilio e paradoiro por un furto ocorrido hai semanas nunha confeitaría de Lugo.

Os feitos que motivaron a súa detención ocorreron na tarde deste xoves, cando a sala do 091 recibiu varias chamadas por un home que estaba na vía pública e en varios bares causando danos e insultando aos demais usuarios.

Aínda que nun primeiro momento foi interceptado e denunciado por non levar máscara, horas máis tarde recibíronse novos avisos de que unha persoa estaba a provocar máis danos, esta vez na rúa Divina Pastora.

Deste xeito, os efectivos de Radiopatrullas se personaron outra vez no lugar e comprobaron que era a mesma persoa, quen esta vez rompera as cadeiras duns bares da zona, aínda que os seus donos non quixeron interpor unha denuncia.

Así, os axentes marcharon do lugar pero quedaron na zona por se se volvían a producir altercados. Efectivamente, momentos despois entrou o home nun bar, de novo sen máscara, mentres insultaba e cuspía aos presentes.

Nese momento, os actuantes procederon a tratar de inmobilizalo. O home tratou de impedilo “por todos os medios agredindo aos policías”, segundo o relato da Policía Nacional, que finalmente logrou detelo.

Tras isto, foi trasladado a dependencias na rúa Chantada para ingresalo nos calabozos mentres se elabora o correspondente atestado para envialo ao xulgado ao lardo deste venres.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...