A área sanitaria de Lugo rexistra este martes 13 de abril un aumento significativo de casos activos de coronavirus en relación ás xornadas anteriores. O Sergas conta 169 pacientes de Covid-19, o que son 12 máis ca onte. Durante as últimas 24 horas, confirmáronse 10 positivos novos na provincia.
Tamén soben as hospitalizacións, cun doente máis ingresado no Hula. Así, pasa a haber un total de 9 persoas que precisan atención hospitalaria: 5 están en planta e outras 4 permanecen na Uci.
Ata o momento, faleceron 212 persoas diagnosticadas de Covid-19 na provincia, curáronse 11.803 e realizáronse 212.010 probas PCR.
GALICIA
No conxunto da comunidade galega, repuntaron os contaxios detectados no último día a pesar de que se efectuaron unhas 2.000 probas PCR menos. Tamén os casos activos manteñen a súa tendencia ascendente. Podes ler a información completa no Galicia Confidencial.
