InicioSociedadeVigo insiste en que o grao de Robótica de Lugo debe ser...

Vigo insiste en que o grao de Robótica de Lugo debe ser ‘Agroforestal’

O reitor da Universidade de Vigo pide recuperar o acordo inicial das tres universidades galegas para evitar supostas duplicidades co grao de Robótica

PUBLICADA O

- Advertisement -

EFE – Redacción | O reitor da Universidade de Vigo, Manuel Reigosa, insiste en que a posición da institución segue sendo a mesma sobre o grao de Robótica en Lugo. A máxima autoridade do centro vigués asegura que a titulación que pretende implantar o Campus Terra debe ter a engádega Agroforestal para evitar supostas duplicidades con Enxeñaría Industrial, impartida na cidade olívica.

Reigosa remítese á folla de ruta asinada polos tres reitores do Sistema Universitario Galego para o período 2017-2021, un mapa de titulacións que introducía, entre outros, o grao en Robótica en Lugo, con mención Agroforestal, para o curso 2019-2020.

No mesmo sentido posicionouse o alcalde de Vigo, Abel Caballero, quen asegurou que o reitor “conta co apoio da cidade”, lembrando que a universidade viguesa renunciou a Medicina para evitar redundancia con Santiago de Compostela.

Fontes do goberno autonómico explican que nada cambiou dende aquel acordo, e que o prazo de alegacións públicas expirou. O reitor da Universidade de Vigo non o entende así, insiste en que o título está en proceso de avaliación, e que “non traballa en outra hipótese” fóra do asinado polos tres reitores no cargo en 2017.

Tomás Cuesta, director da Escola Técnica Superior de Enxeñaría que impartirá o grao en Robótica, asegurou non comprender a posición de Reigosa. A eliminación do termo Agroforestal trátase dunha simplificación, pois os estudantes poden acadar esa especialidade no derradeiro ano de estudos. Así mesmo, carecerá de habilitación en enxeñaría.

O novo Grao en Paisaxe do Campus Terra contará con 50 prazas

ÚLTIMAS

Pasará a disposición xudicial o profesor do CEIP Albeiros por presunto abuso a menores

O profesor do CEIP Albeiros de Lugo detido na xornada do mércores pola Policía Nacional investigado...

Ulloa Viva acusa a Rueda de “falta de respecto” aos participantes na manifestación contra Altri

A Plataforma Ulloa Viva tacha de "falta de respecto" cara aos asistentes á manifestación...

Hael Docampo, emprendedora que apostou pola gandería en Castroverde

Segundo sabemos, esta moza era máis de animais que de gando, pero co tempo...

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...