InicioSucesos‘Helena’ deixa incidencias menores e catorce centros sen clase

‘Helena’ deixa incidencias menores e catorce centros sen clase

O temporal asociado á borrasca Helena obriga a circular con precaución polo Cebreiro e o Alto do Fiouco, afectados por auga, neve e intenso vento

PUBLICADA O

- Advertisement -

A provincia de Lugo rexistrou durante a madrugada quince incidentes por mor da borrasca Helena, segundo datos do Centro Integrado de Atención ás Emerxencias (CIAE) do 112 Galicia. A maioría están relacionados coa caída de árbores e outros elementos en estradas, así como inundacións puntuais.

A nevarada fixo preciso activar o nivel amarelo de alerta na LU-633 ao paso polo Cebreiro. Por mor da choiva e a neve traídas por Helena, a Dirección Xeral de Tráfico recomenda circular con precaución en todo o termo municipal de Pedrafita.

Outra das vías afectadas é a A-8 ao paso polo Alto do Fiouco, entre Mondoñedo e Abadín. Tráfico insta a transitar con extremo coidado pola autovía debido ás precipitacións, que inclúen auganeve, e o intenso vento. A velocidade está limitada a 80 quilómetros por hora na zona.

Sen clases

A adversidade de Helena traduciuse en previsións de acumulacións de ata 22 centímetros de neve na Montaña a partir dos 500 metros de altitude. En resposta a esta meteoroloxía, 14 centros de 11 concellos suspenderon as clases, afectando a 788 estudantes. Non hai constancia de que outros centros tivesen complicacións serias no acceso.

O mal tempo deixa cortes en estradas e obriga a pechar espazos públicos

ÚLTIMAS

O SLG alerta das xubilacións masivas en granxas e pide axudas para novas incorporacións e plans de mellora

Responsables do Sindicato Labrego Galego concentráronse este mércores en Lugo, diante do edificio da...

Traballadoras de residencias privadas mobilízanse en Lugo en demanda dun convenio digno

O persoal das residencias privadas de Galicia continúa coas súas mobilizacións en demanda dun...

O Concello de Lugo concede máis de 250 licenzas de obra en 2024 por máis de 100 millóns de euros

O Concello de Lugo tramitou en 2024 un total de 256 licenzas de obra,...

Investigan un veciño de Cervantes por vender sen autorización madeira dun monte comunal

Un veciño do municipio lugués de Cervantes figura como investigado pola Garda Civil por...