O mal tempo deixa cortes en estradas e obriga a pechar espazos públicos

O desbordamento puntual dos ríos Miño e Ladra afecta a varias estradas e a previsión é desfavorable, con actividades canceladas por mor do vento

Varias estradas están afectadas polo desbordamento do alto Miño e afluentes | Deputación de Lugo
Río Miño | Deputación de Lugo

Malia que unicamente o río Labrada presenta un caudal en nivel de alerta, outros cursos na conca hidrográfica sofren algún desbordamento puntual. É o caso do Ladra á altura do Concello de Begonte, desprazado por enriba da LU-P-0802.

O mesmo acontece en dous puntos do Miño ao paso por Cospeito. O desbordamento do gran río superou os límites de dúas estradas, a LU-P-1112 e a LU-P-1701. A previsión é desfavorable polo que é recomendable prestar atención a posibles alertas.

Cancelacións na cidade de Lugo

Do mesmo xeito, o meteoroloxía obrigou a pechar os dous parques emblemáticos da capital lucense. O Concello de Lugo informou de que tanto o de Rosalía de Castro coma o da Milagrosa están pechados dende as 18.00 horas, ante o aviso da Axencia Estatal de Meteoroloxía por refachos de vento intensos.

Esta circunstancia obrigou ao goberno local a suspender o mercado que estaba previsto celebrarse o venres na Milagrosa. A reapertura dámbolos espazos públicos realizarase contra a tarde do venres, dependendo da evolución do tempo.

DEIXAR UN COMENTARIO

Please enter your comment!
Please enter your name here