Alerta por risco de inundación do río Labrada ao paso por Abadín

A Dirección Xeral de Emerxencias insta a adoptar as medidas preventivas en previsión da suba do caudal do río Labrada no termo municipal de Abadín

Alerta por inundación no río Labrada ao paso por Abadín | CHMS
Alerta por inundación no río Labrada ao paso por Abadín | CHMS

A Confederación Hidrográfica Miño-Sil informou esta mañá de que o umbral de prealerta situouse en nivel laranxa na canle do río Labrada, á altura de Fraga, no termo municipal de Abadín.

Segundo a mesma fonte, ás 11.00 horas deste venres, valor do caudal do Labrada situábase nos 3,42 metros, por riba do umbral de alerta de 3,25, con tendencia de suba.

En previsión deste fenómeno, a Dirección Xeral de Emerxencias insta a adoptar as medidas preventivas necesarias, e a alertar ou mobilizar os medios e recursos dispoñibles.

DEIXAR UN COMENTARIO

Please enter your comment!
Please enter your name here