InicioDeportesNatxo Lezkano: "Jerome (Jordan) vaise a outro equipo"

Natxo Lezkano: “Jerome (Jordan) vaise a outro equipo”

O adestrador breoganista explicou que querían "traer un xogador o máis parecido posible a Jerome, pero está a resultar imposible", polo que "probablemente" vaian "a outro tipo de xogador cunhas características diferentes" e é unha cuestión que vai "ligada" á posible renovación de Sergi Vidal

PUBLICADA O

- Advertisement -

Natxo Lezkano, adestrador de Cafés Candelas Breogán, compareceu en rolda de prensa previa ao partido contra Montakit Fuenlabrada no pavillón Fernando Martín de Fuenlabrada o domingo 30 de decembro a partir das 19:30 horas na decimocuarta xornada da Liga Endesa.

Lezkano confirmou, ao igual que Quique Fraga onte, que Jerome Jordan, que remata contrato o 31 de decembro, “vaise a outro equipo”, pero confirmou que xogará o domingo. “Estamos tendo traer outro xogador o antes posible. Non está a resultar nada sinxelo. O mercado non nos ofrece cincos de nivel que nós podemos pagar. Estamos a mirar outras alternativas, non só cincos. Se temos que ir a posicións un pouco máis exteriores, teremos que ir, aínda que non era a idea orixinal. Queríamos traer un xogador o máis parecido posible a Jerome, pero está a resultar imposible. Probablemente, vaiamos a outro tipo de xogador cunhas características diferentes”, explicou. Sobre Sergi Vidal, que remata contrato tamén o 31 de decembro, respondeu que son “temas que van ligados, o tema deportivo” téñeno “moi claro, pero o económico non”.

O adestrador breoganista comentou que “Sule (Emir Sulejmanovic) aínda non adestrou co grupo e, se chega, chegaría moi xusto”, así como Aleksandar “Cvetkovic non adestrou co grupo” e lembrou as baixas de Ricardo Úriz e Henk Norel. “Confío en que chegue”, explicou sobre Cvetkovic.

“A recuperación de Henk Norel vai polo bo camiño, polo que nos din e vemos. Cada día pode facer máis cousas. É un xogador ao que lle vai custar moito aínda. Xaneiro seguro que non. Non lle vexo nin de lonxe para adestrar co equipo”, contestou.

Sobre Montakit Fuenlabrada, opinou que o seu equipo ten que “parar as súas individualidades”, “non deixarlles correr porque son un dos mellores equipos que corren” e “pechar o rebote”. Tamén subliñou que é “unha pista onde o público apreta moito, hai moitísimo ruído e é difícil comunicarse”. Lembrou que os fuenlabreños fixeron “esta semana tres incorporacións”.

O Breogán vén de gañar dous partidos consecutivos, ámbolos dous no Pazo, onde acadou as súas catro vitorias totais. “Hai que rañar fóra”, valorou.

ÚLTIMAS

O SLG alerta das xubilacións masivas en granxas e pide axudas para novas incorporacións e plans de mellora

Responsables do Sindicato Labrego Galego concentráronse este mércores en Lugo, diante do edificio da...

Traballadoras de residencias privadas mobilízanse en Lugo en demanda dun convenio digno

O persoal das residencias privadas de Galicia continúa coas súas mobilizacións en demanda dun...

O Concello de Lugo concede máis de 250 licenzas de obra en 2024 por máis de 100 millóns de euros

O Concello de Lugo tramitou en 2024 un total de 256 licenzas de obra,...

Investigan un veciño de Cervantes por vender sen autorización madeira dun monte comunal

Un veciño do municipio lugués de Cervantes figura como investigado pola Garda Civil por...