InicioDeportesTino Saqués repasa a actualidade do Club Deportivo Lugo

Tino Saqués repasa a actualidade do Club Deportivo Lugo

PUBLICADA O

- Advertisement -

Tino Saqués, presidente do Club Deportivo Lugo, repasou a actualidade albivermella durante a presentación do Memorial Manolo Martín, que se xogará o vindeiro mércores 8 de agosto contra o Real Club Deportivo da Coruña no estadio Ángel Carro a partir das 20:30 horas.

O presidente do Lugo afirmou que “é bonito ter un derbi galego e sendo cos veciños da Coruña mellor que mellor”. “O público en Lugo normalmente é moi frío, non sei se pode ser un pouco polo clima. Cando veñen grandes afeccións, tamén se veñen arriba. Espero que cando veña o Deportivo, os afeccionados de Lugo se contaxien e animen máis que nunca ao noso club, e iso poda trasladarse no resto de partidos da tempada”, reflexionou Saqués.

O presidente albivermello calificou de “complicada” a vindeira tempada na Segunda División. “Ante situacións difíciles, podemos ver o que damos de sí. Non lle temos medo, sí respecto á tempada”, declarou. Lembrou que “hai moita ilusión” no club.

En canto os abonados, contestou que superaron “a barreira dos 2000” e, co carné de abonado, a entrada será de balde para ver o filial, que militará en Terceira División. Os partidos do segundo equipo xogaranse “algúns no Anxo Carro e outros probablemente sexan na Cheda”.

Sobre fichaxes, respondeu que “pode haber un par delas máis” e conta con pechar a plantilla en “non máis tardar dúas semanas”.

Tino Saqués adiantou que o límite salarial designado pola Liga “vai ser lixeiramente inferior” ao da tempada pasada, pero “vai ser suficiente para facer unha plantilla competitiva”. En ingresos por dereitos de television, “prácticamente vai recibir o mesmo, aínda non están as cifras pechadas”, segundo confirmou o presidente albivermello.

Saqués tamén se referiou a situación do xogador Ramón Azeez, que chegou unha semana tarde á pretempada. “Abriuse un expediente, el ten que facer alegacións e, en base a iso, saberemos a realidade”, comentou. Tamén dixo que “non” ten “constancia” de ningunha oferta por Azeez.

Respondeu que a saída do adestrador Francisco Rodríguez, técnico do Lugo a campaña 2017-2018, foi cunha “resolución amistosa”, aínda que “sí houbo un pequeno pago, pero non a cláusula”. Definiu como “xusta” esta situación.

Por último, afirmou que de cara a tempada 2019-2020 deberán actualizar certas cuestións en “céspede e iluminación” do estadio Ángel Carro, así como amosouse optimista de cara a realización dunha “bancada fixa no fondo sur”.

 

ÚLTIMAS

A alcaldesa de Lugo avoga por que a esquerda “axunte esforzos” na súa provincia para evitar “voto inútil”

A alcaldesa de Lugo, Lara Méndez, considera que a esquerda "debe axuntar esforzos", tamén na...

Bombeiros de Vilalba denuncian o peche do parque comarcal por traslado de efectivos ao de Barreiros

O Comité de Folga dos Bombeiros Comarcais acusa o Consorcio de Bombeiros de Lugo...

A provincia de Lugo desprega 112 operarios e 64 máquinas para garantir a seguridade viaria este inverno

O presidente da Deputación de Lugo, José Tomé Roca, presentou o plan de viabilidade invernal para...

Convocan as primeiras xornadas de Saúde Mental en Lugo, a provincia co maior número de suicidios en España

A asociación de voluntariado autonómica Stop Suicidio Lugo anunciou este venres a celebración das...