- Advertisement -
O Club Deportivo Lugo comeza hoxe a tempada 2018-2019. Ás nove da mañá teñen lugar os primeiros recoñecementos médicos en Polusa, que terán continuación ao longo do día e mañá martes.
O mércores e xoves celebraranse sesións de axuste, mentros que os adestramentos propiamente ditos comezarán o venres. Haberá dobre sesión o venres e sábado. O equipo descansará o domingo.
O equipo conta coas novidades de Javi López como primeiro adestrador, Emilio Viqueira como director deportivo e o dianteiro Jona Mejía como primeira fichaxe.
O primeiro partido amigable será o mércores 18 de xullo contra o Racing Villalbés no estadio de A Madalena de Vilalba a partir das 19:30 horas.
