Emilio Viqueira foi presentado este mediodía coma novo director deportivo do Club Deportivo Lugo para as vindeiras catro tempadas.
“Cando recibín a chamada non tiven que pensar máis”, afirmou Viqueira. “O Club Deportivo Lugo leva tempo facéndoo ben. Ten un modelo de xogo que é difícil de atopar na categoría e gústame que o equipo xogue ao fútbol”, engadiu. Amosou o seu desexo de que “siga medrando o Club Deportivo Lugo”. “Despois de vinte anos volvo á miña terra con moitas gañas de seguir traballando”, declarou.
Tino Saqués, presidente albivermello, comentou a súa “satisfacción” pola fichaxe. “Apostamos por un profesional que axudará a seguir medrando, especialmente na identificación cos valores do noso fútbol, a nosa tradición e a nosa cultura”.
Foto das canles oficiais de Club Deportivo Lugo.
