Os Microefectos Dramatúrxicos volven ao Clavicémbalo

Celebran o seu décimo aniversario con actuacións os días 8, 9 e 10 de xuño.

Microefectos Dramatúrxicos en acción. Foto cedida pola cia.

Logo de tres meses dende a última sesión, os Microefectos Dramatúrxicos regresan ao Club Clavicémbalo este xoves, venres e sábado en pases de 20:30 e 22:30. Nesta sesión representaranse, coma sempre, catro pezas novas. Poderanse mercar entradas a través da plataforma dixital Woutick, tamén haberá entradas dispoñíbeis na billeteira en cada un dos pases.

O grupo, que cumpriu dez anos a comezos de maio, pon en escena pezas teatrais duns quince minutos de duración nas que contan historias da vida para rir ou chorar, cunha escrita directa e actual, que cada tres meses practicamente completa o aforo do Clavi.

Microefectos Dramatúrxicos nunha actuación. Foto cedida pola Cia.

PEZAS

Raíña Cordura

Escribe e dirixe: Brais García. Interpretan: Isa Herrero, Raquel López Cendán, Anxo Manoel e Brian Rodríguez.

Colibrí

Escribe e dirixe: Isa Herrero. Interpretan: María Grandío, Isa Herrero, Anxo Manoel e Raquel López Cendán.

Empate

Escribe e dirixe: Anxo Manoel. Interpretan: Brais García, Conchi Madrina e Anxo Manoel.

Perrificación

Escribe e dirixe: Elvira Velasco. Interpretan: María Grandío, Elvira Velasco, Brian Rodríguez e Brais García.

DEIXAR UN COMENTARIO

Please enter your comment!
Please enter your name here