O Instituto de Estudos Ulloáns presenta todos os anos a revista Cairón nos tres concellos da Ulloa. O número 6 de Cairón foi presentado xa o pasado sábado 14 de xaneiro en Monterroso e agora faráo en Palas de Rei e Antas de Ulla este sábado 21.
A presentación en Palas de Rei terá lugar ás 12,30 no salón de plenos da Casa do Concello, coas intervencións de Pablo Taboada, alcalde de Palas de Rei e deputado provincial; Francisco Pardo Teijeiro, director do Instituto de Estudos Ulloáns; Braulio Vilariño, galerista e dinamizador cultural; Xurxo Mouriño, biólogo e consultor medioambiental, e Arturo L. Regueiro, escritor e poeta.
E a presentación en Antas de Ulla será o mesmo día pero ás 18:00 h. na Igrexa románica de San Xoán de Antas de Ulla, cedida para este acto polo Bispado de Lugo e a Parroquia de San Xoán. Contarase coas intervencións de Pilar García Porto, deputada provincial e responsable da Área de Turismo da Deputación de Lugo; Hilda García Cabanas, directiva do IEU; Susana Varela Negro, historiadora, e Xosé Luis Santiso, poeta.