InicioCulturaO ciclo cultural Muralla de Letras arrinca en Lugo para dar un...

O ciclo cultural Muralla de Letras arrinca en Lugo para dar un impulso ao sector do libro

Ledicia Costas, Suso de Toro ou María Lado e Lucía Aldao serán algunhas das autoras que pasarán ao longo desta fin de semana polo Vello Cárcere.

PUBLICADA O

- Advertisement -

Este venres 13 de decembro arrinca Muralla de Letras, un programa de actividades arredor dos libros e da lectura que se celebrará ao longo desta fin de semana no Centro Cultural do Vello Cárcere de Lugo. Un coloquio da escritora Ledicia Costas e un concerto de Magín Blanco abrirán hoxe este ciclo cultural, no que se darán cita importantes persoeiros do mundo das letras galegas.

Suso de Toro, Marica Campo, María Lado e Lucía Aldao, Pilar García Negro ou Luis López Alonso serán outras das autoras e autores que presentarán as súas últimas publicacións nunha charla co público. Muralla de Letras, organizada pola Vicepresidencia da Deputación, tamén traerá canda si outras actividades pensadas para os máis pequenos, como os concertos de Paco Nogueiras e Pakolas. Así mesmo, Anxo Moure, Raquel Queizás, Brais das Hortas ou o colectivo Polo Correo do Vento convidarán ás mais pequenas a ler a través de historias contadas.

Ademais, Muralla de Letras dará eco ao proxecto editorial lucense Ámboa, que aposta por publicacións que conectan a literatura galega e portuguesa, como xa explicaban as súas impulsoras nunha entrevista ao Lugo Xornal.

APOIO AO SECTOR DO LIBRO

Este ciclo de actividades é tamén “un chamamento a mercar libros nas nosas librarías habituais” nun momento complicado para o comercio de proximidade, segundo sinalou a vicepresidenta provincial, Maite Ferreiro.

“O confinamento e as limitacións de mobilidade  leváronnos a valorar máis a literatura, a música, o cine e a produción cultural, en xeral, porque estamos a recorrer a ela na busca de entretemento, coñecemento, respostas, conforto… Para que eses sectores se manteñan, é necesario contribuír a súa viabilidade”, argumentou.

+ posts

ÚLTIMAS

Case nove de cada dez euros para concellos do PSOE e BNG: a denuncia do PP contra a Deputación de Lugo

O reparto dos fondos da Deputación de Lugo a través de convenios cos concellos...

Tomé, convocado por “erro” á xunta de portavoces provincial para asinar a declaración contra a violencia de xénero

A sinatura da declaración institucional con motivo do 25 de novembro, Día Internacional da...

Desaloxados varios colexios en Lugo por ameaza de bomba

A Policía Nacional levou a cabo na mañá deste mércores desaloxos en colexios galegos...

Buscan en Suíza probas da falsa médica sobre a que pesa unha orde internacional de procura

O xulgado de instancia de Lugo, sección penal, praza 2, agarda resposta das autoridades...