InicioSociedadeLugoXornal medra na alternativa informativa do centro da provincia

LugoXornal medra na alternativa informativa do centro da provincia

LugoXornal consolídase como primeiro dixital de Lugo e O Bierzo en menos dun ano e impulsa o grupo á terceira posición en Galicia

PUBLICADA O

- Advertisement -

O pasado 17 de maio, LugoXornal comezou a informar en todo o centro da provincia e máis a comarca estremeira do Bierzo, sendo o primeiro medio dixital en acadar estas zonas e completamente en galego. Nos últimos meses, LX reforzou a súa posición como alternativa informativa ás cabeceiras tradicionais, sendo o que máis medrou neste ámbito en número de visitas. E contribuíu a posicionar a GaliciaConfidencial como terceiro medio dixital en galego na clasificación de Alexa, auditoria de Amazon.

LugoXornal (lugoxornal.gal) conseguiu estabelecerse nun contexto de alta competencia e oferta informativa, ofrecendo información de proximidade, deportes e temáticas que o converten en único. Amén da defensa da lingua de noso, o xornal marcou e continuará marcando a axenda na cultura material e inmaterial, no medio ambiente, o patrimonio e os movementos sociais.

A evolución de LugoXornal é paralela á do resto dos xornais que iniciaron a súa actividade no Día das Letras Galegas. Estes son Xornal da Mariña, adicado a toda a costa lucense e máis a ribeira do Eo, e Xornal de Lemos, que abrangue a zona sur.

Estes tres medios completan a oferta informativa da provincia máis grande e diversa de Galicia. Editados por Xornal de Lugo S.L., mudaron en pouco máis de sete meses en referentes informativos da provincia canda a La Voz de Galicia e El Progreso de Lugo. Este proxecto honra o seu carácter emprendedor apoiando as iniciativas vencelladas á innovación, nomeadamente aquelas coas que comparte base no Centro de Empresas e Innovación, CEI Nodus.

Ademais, os xornais de Lugo están asociados a Xornal de Vigo, o gran medio dixital do sur de Pontevedra, e Galicia Confidencial, o principal xornal en galego e o terceiro medio dixital de Galicia, que lle dá soporte informativo, comercial e técnico. Todos estes medios contan cun acordo para intercambiar información e publicidade.

O acoso a menores, a velutina e Martínez, entre os temas máis lidos do 2018

ÚLTIMAS

A Deputación de Lugo aproba a entrega do novo polígono industrial de Cospeito e a ampliación dos hortos urbanos do río Rato

A Xunta de Goberno da Deputación anunciou este venres a aprobación do "último paso administrativo"...

A asociación Lugo Monumental pide que non se afesten servizos públicos do centro, como a Comisaría

A asociación Lugo Monumental dirixiuse ao Concello, á subdelegación do Goberno e ao Ministerio...

A irmá da muller asasinada en 2016 polo “mal funcionamento” da Casa da Muller de Lugo recorrerá ao TSXG

Martina Gómez Nieto, irmá da muller asasinada polo seu esposo no municipio de Becerreá...

Investigan a un menor de 14 anos que conducía un coche sen carné en Vilalba

Un menor de 14 anos foi interceptado en Vilalba conducindo un cuadriciclo lixeiro sen permiso...