InicioMovementos sociaisO BNG reivindica un xulgado específico de violencia de xénero para Lugo

O BNG reivindica un xulgado específico de violencia de xénero para Lugo

A formación pedirá na Comisión Provincial contra a Violencia de Xénero a reclamación conxunta dun xulgado específico en Lugo

PUBLICADA O

- Advertisement -

O Bloque Nacionalista Galego procura a implicación da cidadanía de Lugo para a creación dun xulgado específico para a violencia de xénero, con espazos propios e persoal especializado. A fronte presentou este mércores a campaña, que se estenderá durante os vindeiros meses, co soporte da máxima representante dos nacionalistas, Ana Pontón.

En compañía da edil Maite Ferreiro e maila parlamentaria lucense Olalla Rodil, a voceira do Bloque sinalou a necesidade de que Lugo conte coa dotación xudicial especializada para atender os numerosos casos de agresións machistas na provincia. Este plantexamento será trasladado á Comisión Provincial contra a Violencia de Xénero, constituída esta mesma semana, para que todos os actores involucrados apoien a creación do xulgado específico.

Ferreiro xustificou a importancia deste órgano de coordinación porque “pode ter peso suficiente” para demandar, “co respaldo de todas as institucións e entidades representadas na Comisión”, unha sede que contribúa a combater dende Lugo, e con todos os medios legais dispoñibles, a lacra da violencia de xénero. Así, a concelleira nacionalista avanzou que enviarán “unha proposta concreta e un relatorio de todas as xestións que levamos feito ante as diferentes institucións” de cara á petición conxunta.

Explican dende o BNG que trasladarán á comisión outra petición para que a Xunta de Galiza desenvolva a norma autonómica 11/2007, para a prevención e tratamento integral contra a violencia de xénero. “Esta lei galega recolle medidas máis avanzadas” ás reflictidas no pacto de estado, sinalou Ferreiro, quen asegurou que a administración galega “debe comprometerse a dotar de partidas económicas necesarias os orzamentos para poder desenvolver esta norma, e así tentar efectivizar todos os obxectivos da mesma”.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...