InicioLugo e contornaLugoO Concello de Lugo nega ter vetado un acto sobre memoria histórica...

O Concello de Lugo nega ter vetado un acto sobre memoria histórica no Vello Cárcere

PUBLICADA O

- Advertisement -

O Concello de Lugo saíu ao paso das manifestacións realizadas nos últimos días en relación coa celebración dun acto sobre memoria histórica no Vello Cárcere. A administración local emitiu unha aclaración institucional para desmentir as interpretacións sobre o caso, cualificando de “improcedente” que se lle atribúa unha suposta negativa ou veto ante unha petición que asegura que é “inexistente”.

Segundo os datos dos rexistros e procedementos administrativos municipais, o único contacto mantido sobre este asunto foi unha consulta verbal realizada á xefa de gabinete da Alcaldía para consultar a posibilidade de usar o inmoble nas datas indicadas. Nesa conversa, informouse aos interesados de que o edificio podería albergar actividades vinculadas ao Arde Lucus. Tras recibir esta información, os propios promotores volveron contactar co Concello nunha segunda chamada telefónica para comunicar que finalmente non precisaban facer uso deste espazo.

O Goberno local subliña que, a partir dese momento, non se recibiu ningunha solicitude formal, nin por escrito nin a través de ningunha das canles establecidas para a reserva e utilización de instalacións municipais.

A administración incide en que, tras a chamada na que os solicitantes declinaron o uso do edificio ao saber que a dispoñibilidade dependía do calendario do Arde Lucus, “non se produciu ningún outro tipo de comunicación, nin formal nin informal, polo que consideran que non se pode vetar unha petición que nunca chegou a tramitarse”.

Deste xeito, o Concello reitera que os rexistros administrativos son os únicos elementos obxectivos que permiten acreditar a existencia ou non de calquera petición, e sinala que “calquera versión distinta deberá sustentarse na correspondente documentación acreditativa”.

Finalmente, a institución local lamenta que se trasladen á opinión pública afirmacións que carecen de respaldo documental e reitera o seu “compromiso coa transparencia, o rigor e o respecto á verdade dos feitos”.

+ posts

ÚLTIMAS

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...

Case nove de cada dez euros para concellos do PSOE e BNG: a denuncia do PP contra a Deputación de Lugo

O reparto dos fondos da Deputación de Lugo a través de convenios cos concellos...