O dianteiro galego Manu Barreiro é novo dianteiro de Club Deportivo Lugo. O punta de Compostela asina por tres tempadas e media, é dicir, até o 30 de xuño de 2022. É a sexta fichaxe albivermella nesta xanela de xaneiro despois de Gerard Valentín, Orest Lebedenko, Toni Martínez, Tete Morente e Hernán Menosse.
Manu Barreiro, de 32 anos e 1.91 metros de estatura, procede do Gimnàstic de Tarragona, onde xogou dende xaneiro de 2016. Na actual tempada, marcou 1 gol en 19 partidos, 15 coma titular. Na pasada campaña, aportou 10 goles.
A nivel profesional, a súa mellor cifra goleadora foron 11 goles co Deportivo Alavés na tempada 2014-2015 en La Liga 1|2|3 e 21 tantos co Racing de Ferrol na tempada 2013-2014 en Segunda División B.
O xogador será presentado o mércores ás 13 horas no estadio Ángel Carro.
