InicioDeportesO Club Joventut de Badalona visitará ao Club Baloncesto Breogán na primeira...

O Club Joventut de Badalona visitará ao Club Baloncesto Breogán na primeira xornada da Liga ACB

PUBLICADA O

- Advertisement -

O Club Baloncesto Breogán recibirá ao Club Joventut de Badalona no Pazo dos Deportes de Lugo na primeira xornada da Liga ACB 2018-2019, que está prevista entre o xoves 27 e o domingo 30 de setembro. 

O Breogán visitará consecutivamente a Iberostar Tenerife e Gran Canaria na segunda e terceira xornadas.

Os lucenses recibirán no Pazo dos Deportes ao Obradoiro C.A.B. na sexta xornada (27 ou 28 de outubro).

O Real Madrid, vixente campión da Euroliga e da Liga ACB, visitará Lugo na decimosegunda data, o 15 ou 16 de decembro.

Ligazón co calendario completo.

En pretempada, o Club Baloncesto Breogán xogará o Circuito Movistar de Tarragona contra Baskonia o venres 7 de setembro a partir das 21 horas e ante Gipuzkoa Basket sábado 8 de setembro dende as 20:30 horas. É a segunda edición do torneo e terá lugar no Palau d´Esports de Catalunya, inaugurado en recentes datas co gallo dos Xogos do Mediterráneo. O Breogán, Gipuzkoa Basket e Baskonia competirán no Grupo A, mentres que no Grupo B participarán Iberostar Tenerife, Tecnyconta Zaragoza e Partizán de Belgrado.

Baskonia é o actual subcampión da Liga ACB, mentres que Gipuzkoa Basket acadou a permanencia a pasada tempada en ACB a falta de tres xornadas. Baskonia medirase a Gipuzkoa Basket o domingo 9 de setembro ás 17 horas.

Cómpre lembrar que o Breogán debutará en semifinais da Copa Galicia o domingo 16 de setembro contra o primeiro clasificado da fase previa, na que os lucenses non competirán ao ser equipo ACB, mesmo caso que o Obradoiro.

O Breogán confirmou seis fichaxes: o escolta Lucio Redivo, o aleiro Romaric Belemene, así como os pívots Alec BrownEmir Sulejmanovic (cesión prorrogada por parte do Baloncesto Fuenlabrada e cumprirá a súa segunda tempada correlativa como breoganista)Henk Norel e Volodymyr Gerun. No caso de Lucio Redivo, Romaric Belemene, Alec Brown, Henk Norel e Volodymyr Gerun, chegan ao club lucense en propiedade. Ademáis, renovaron o base Ricardo Úriz e o aleiro Johan Löfberg. O base Christian Díaz e os escoltas Sergi Quintela e Salva Arco teñen contrato en vigor. A continuidade de Quintela está en dúbida, segundo confirmou o novo director deportivo, Quique Fraga. O corpo técnico está formado por Natxo Lezkano como primeiro adestrador, que cumprirá a súa terceira tempada consecutiva, e o novo segundo adestrador é Óscar Lata. 

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...