InicioTerra CháVilalbaVilalba recupera a súa tradicional feira do capón "con moita ilusión" tras...

Vilalba recupera a súa tradicional feira do capón “con moita ilusión” tras o ano da pandemia

Estarán a maior parte dos 38 criadores censados e con boa parte dos case 1.250 exemplares que están criando.

PUBLICADA O

- Advertisement -

A alcaldesa do Concello de VilalbaElba Veleiro, a concelleira de Feiras e Mercados, Antia Rama, e María José López, criadora, presentaron esta semana a programación da Feira do Capón remarcando a ilusión de que se volva facer como marca a tradición. “A pandemia obrigounos a suspender a feira presencial o ano pasado, polo que a retomamos agora con moita ilusión e damos a benvida a todas aquelas persoas que nos queiran visitar esa data”, apuntou a alcaldesa de Vilalba

“É o pistoletazo de saída para o Nadal aquí, a feira do capón é un emblema de Vilalba e ten moita repercusión nacional e internacional”, manifestou pola súa parte Antía Rama, que garantiu “todas as medidas e protocolos Covid-19 vixentes, para o que contamos coa colaboración de todos e todas as asistentes”.

Pola súa parte, a criadora María José López engadiu que “o capón é un manxar que temos aquí en Vilalba e só se cría para o Nadal, esperemos que na feira non se note a folga de transporte”.

PROGRAMA

A feira abrirá as súas portas ás 09.30 horas da maña, coa presenza da maior parte dos 38 criadores censados e con boa parte dos case 1.250 exemplares que están criando. A partir desa hora comeza o mercado, no que as e os asistentes poderán adquirir os capóns para a cena de Nadal, pero ademais tamén poderán aproveitar para asistir a unha demostración de cociña de balde para saber os detalles dun bo cociñado desta ave de curral autóctona.

Na feira haberá tamén outros produtos típicos da zona e a música tradicional que amenizará o recinto feiral chegará da man de Cerna de Árbol, unha agrupación formada polos veciños da Asociación Cultural e Deportiva de Árbol.

Non faltarán os tradicionais premios aos criadores: mellor criador, mellor cesta, mellor par, maior número de exemplares á feira e o premio especial, que como sempre será segredo ata ese día. A entrega dos mesmos será ás 11:00 horas nun acto presentado polo presentador da TVG Fran Cañotas. Como novidade, haberá un sorteo entre as e os asistentes de dous capóns gañadores do ‘Premio ao mellor par’.

Tamén se fará entrega do premio ao pequeno gañador ou gañadora do I concurso infantil de deseño do cartel do capón para o ano 2022.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...