InicioCulturaDavide Salvado actuará na Romaxe Artesá da Chaira de Muras

Davide Salvado actuará na Romaxe Artesá da Chaira de Muras

A terceira edición do evento, organizado polo Concello de Muras, será o 26 de maio

PUBLICADA O

- Advertisement -

Concello de Muras, en colaboración coa Asociación Obradoiros Artesáns da Terra Cha, impulsará unha nova edición, a terceira, da Romaxe Artesá da Chaira. O encontro cultural de música, artesanía e gastronomía será o 26 de maio, na área recreativa de A Veiga, e terá como principal reclamo a actuación de Davide Salvadounha das voces máis carismáticas do folk galego.

Salvado ofrecerá na romaxe o froito de media vida percorrendo as aldeas á procura de ritmos, coplas e danzas e aprendendo das mulleres unha tradición musical. Ademais, O Sonoro Maxín, Ce Orquestra Pantasma -o proxecto do home-orquestra vigués César Freiria-, Cántigas e Frores e a agrupación local Axóuxere de Roupar completarán a axenda musical do evento.

Non faltarán as habituais mostras de artesanía nin dos vellos oficios, como a cantería, a cestería ou o torneado de madeira. Tamén haberá xogos tradicionais para pequenos e grandes, charlas, delicias gastronómicas e obradoiros.

A Romaxe Artesá da Chaira naceu hai tres anos para poñer en valor os antigos oficios e demostrar que no rural tamén se pode atopar un emprego e unha forma de vida. Celébrase na fermosa área recreativa de A Veiga, a carón do río Eume. Desde a primeira edición, converteuse nunha cita para os amantes da historia e da cultura de distintas zonas de Galicia.

ÚLTIMAS

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...

Desestimada a demanda da irmá dunha muller asasinada por mal funcionamento da Casa da Muller de Lugo

O Xulgado do Contencioso-administrativo número 2 de Lugo desestimou a demanda presentada pola irmá da muller...

O PP de Lugo di que o anuncio da rehabilitación da N-540 dilata tres anos unhas obras que deberían ser urxentes

O PP de Lugo considera insuficiente o anuncio da adxudicación das obras de rehabilitación do firme...

Inundados tres dos catro pasos sobre o río Ladro en Begonte

As intensas precipitacións da xornada do domingo provocaron o desborde do río Ladra ao seu paso...