InicioMedioambiente e PatrimonioA economía sostible ten as miras postas na Serra do Xistral

A economía sostible ten as miras postas na Serra do Xistral

Dúas universidades galegas, Deputación e UE colaboran no 'Life in Commom Land', un programa pioneiro para o desenvolvemento en zonas rurais de especial protección

PUBLICADA O

- Advertisement -

Este sábado Muras acollerá a presentación dun proxecto pioneiro a nivel europeo. A Escola Unitaria de Viveiró será escenario da primeira xornada formativa sobre os Servizos ecosistémicos da Serra do Xistral. Novas posibilidades de uso e conservación. Esta actividade vai integrada no proxecto Life in Common Land, posto en marcha polas universidades da Coruña e Compostela, co auspicio da Deputación e a Unión Europea.

Será unha xornada que a celebrar en horario de mañá e tarde, dende as 11.00 horas ata as 14.00 horas, nas que haberá unha viaxe por este espazo natural e, de 16.00 a 20.00 horas, presentarase o proxecto europeo de conservación e aproveitamento de entornos naturais sensibles, e haberá conferencias sobre produción de mel ou de turismo e natureza. 

A iniciativa foi promovida pola Deputación, co indispensable concurso da USC e da UDC, para demostrar que é compatible o desenvolvemento socioeconómico e sostible de zonas rurais catalogadas de especial protección, que contan con restricións lexislativas en canto ao seu emprego, aproveitamento ou coidado. O proxecto conta tamén coa participación directa dos propietarios das Comunidades de Montes Veciñais en man común na Serra do Xistral.

Serra do Xistral | Xunta de Galicia
Serra do Xistral | Xunta de Galicia

É un novidoso programa, dotado de 2 millóns de euros, dos que a Deputación achega 212.000 euros; a USC, 198.000 euros; a UdC, 100.000; e a Unión Europea 1,4 millóns de euros. A idea é que sexan os usuarios e propietarios os encargados de executar as medidas plantexadas. De acadaren os obxectivos fixados, recibirán compensacións económicas, o que convertería ás institucións implicadas nas primeiras en España en premiar o desenvolvemento sostible.

Este modelo está en marcha noutros países da Unión, coma Francia, para combater o despoboamento e coidar do medio ambiente. Life in Commom Land ten un duración de 5 anos, lustro durante o cal será implantado nun espazo de 5.000 hectáreas, que abranguerán os concellos de Abadín, Muras, O Valadouro, Ourol e Viveiro

As zonas de especial protección, como a Serra do Xistral, que é Rede Natura 2000, contemplan certas limitacións de uso e aproveitamento do territorio, que veñen impostas pola normativa vixente. O obxectivo é mellorar a produción gandeira e forestal a través da implantación de modelos de aproveitamento baseados nas experiencias dos usuarios dos montes; axilizar trámites e aspectos administrativos logo de ter establecidos novos esquemas produtivos; e conservar o rural e dotalo de oportunidades.

Consulta o programa aquí

Inscricións no 982 500 001 ou en lifexistral@udc.es

ÚLTIMAS

A Deputación de Lugo acusa os bombeiros de incumprir servizos mínimos en Vilalba e ameaza con accións xudiciais

A Deputación de Lugo acusa os bombeiros do parque de Vilalba de incumprir os servizos mínimos...

O PP de Lugo presenta trinta propostas para os orzamentos municipais de 2024

A presidenta do PP de Lugo, Elena Candia, explicou a batería de propostas que...

Un condutor dá positivo en alcol e drogas tras sufrir un accidente en Lugo

Axentes da Policía Local de Lugo foron mobilizados en pasado martes por mor dun accidente de tráfico rexistrado...

Traballadoras da limpeza dea Lugo protestan ante o Parlamento pedindo a mediación da Xunta

Traballadores do sector da limpeza de Lugo trasladaron a súa protesta este martes ás...