InicioTerra CháGuitirizO Concello de Guitiriz entrega aos GES os traxes de protección obrigatorios

O Concello de Guitiriz entrega aos GES os traxes de protección obrigatorios

Este equipamento foi reclamado pola Inspección de Traballo e o Concello de Guitiriz fora criticado pola CIG por mor da tardanza en equipar aos GES

PUBLICADA O

- Advertisement -

O Concello de Guitiriz fixo entrega dos novos equipos de protección individual (EPI) regulamentarios para os Grupos de Emerxencias Supramunicipais (GES) que reclamara a Inspección de Traballo. A corporación explicou nun comunicado que o pedido dos equipos fíxose de inmediato tralo requisito e que a demora foi a habitual neste tipo de entregas, xa que os traxes son fabricados a medida e inclúen a identificación propia do municipio.

Dende o Concello precisaron que os traballadores de emerxencias xa contaban co equipamento ignífugo necesario, aínda que só con tres unidades, as correspondentes a unha quenda de extinción. O resto dispoñían de traxes de menor protección, para tarefas non vencelladas co lume, ao entender que as tarefas dos GES son de prevención e só deberían de auxiliar aos bombeiros.

Por outra banda, o comunicado serviu de crítica á Confederación Intersindical Galega (CIG) de Lugo, que presionara ao Concello por supostamente incumprir a orde de Traballo de entregar os equipos a todos os integrantes do GES, orde que tiña de data límite o 8 de febreiro.

Amáis dos catro traxes ignífugos cos correspondentes cascos, que se incorporan aos tres xa existentes, o Concello adquiriu pantalóns anticorte para o desbroce. O investimento total foi de preto de 6.300 euros.

ÚLTIMAS

A irmá da muller asasinada en 2016 polo “mal funcionamento” da Casa da Muller de Lugo recorrerá ao TSXG

Martina Gómez Nieto, irmá da muller asasinada polo seu esposo no municipio de Becerreá...

Investigan a un menor de 14 anos que conducía un coche sen carné en Vilalba

Un menor de 14 anos foi interceptado en Vilalba conducindo un cuadriciclo lixeiro sen permiso...

Desaloxados os veciños dun edificio de Lugo tras rexistrarse un incendio nunha das vivendas

Os veciños dun edificio situado na rúa Sanxillao de Lugo tiveron que ser desaloxados...

Descubertos varios sitios arqueolóxicos nos Ancares

O Colectivo Patrimonio dos Ancares comunicoulle á Xunta de Galicia a localización de varios...