InicioTerra CháVilalbaA feira do capón de Vilalba, pendente da folga do transporte

A feira do capón de Vilalba, pendente da folga do transporte

A ameaza de paro por parte dos transportistas podería poñer en dificultades a cita vilalbesa.

PUBLICADA O

- Advertisement -

A feira do capón de Vilalba, que se celebrará o próximo 21 de “forma presencial”, vivirá pendente da “folga do transporte”, convocada para eses días a nivel nacional. A alcaldesa, Elba Veleiro, asegurou que confía “que sexa un éxito”, aínda que recoñece que están “pendentes” de que se resolva este paro que pode ter unha incidencia no evento tendo en conta que moitos exemplares de capóns saen máis aló das fronteiras galegas.

Para a edición deste ano inscribíronse “1.250 exemplares” aínda que sinala que non todos serán levados á propia feira tendo en conta que se están adiantando as mantanzas ante esa “ameaza da folga”. “Esperamos que veña un número importante de exemplares e que sexa unéxito porque hai outras actividades e outros produtos da comarca. Son actividades que van facer unha feira atractiva”, sinalou.

En canto aos prezos, Veleiro detallou que “cada exemplar” de capón de Vilalba “pode venderse entre oitenta e cen euros”. “Hai que darse conta que se trata dun produto exquisito e require dunha dedicación moi intensa”. “É un manxar excepcional para as festas de Nadal”, presumiu. A alcaldesa de Vilalba enxalzou, finalmente, que “se poida retomar a feira presencial, dado que o ano pasado non se puido celebrar pola situación sanitaria” derivada da pandemia.

ÚLTIMAS

Convocarán un concurso de ideas para desenvolver a contorna do Pazo de Dona Urraca

A Xunta continúa dando pasos para "seguir reactivando" o barrio da Tinería, no centro...

Detidas tres persoas dun clan familiar dedicado a venda de cocaína en Lugo

A Policía Nacional detivo a dous homes e a unha muller vinculadas a un clan familiar que se...

Reunión entre Rueda e Tomé para fixar un grupo de traballo sobre transferencia de diferentes estradas

O presidente da Xunta de Galicia, Alfonso Rueda, e o líder da Deputación Provincial...