InicioSucesosPesar no Club Deportivo Lugo tras a agresión a un dos xuvenís...

Pesar no Club Deportivo Lugo tras a agresión a un dos xuvenís que o deixou na UCI

A familia xa presentou denuncia.

PUBLICADA O

- Advertisement -

Gonzalo Cuéllar, un xogador de 18 anos do equipo Xuvenil División de Honra do Club Deportivo Lugo, atópase na unidade de coidados intensivos (UCI) do Hospital Universitario Lucus Augusti (HULA) tras sufrir unha agresión na madrugada do sábado ao domingo.

Segundo informan fontes consultadas por Europa Press, houbo unha chamada sobre as 6,25 horas da mañá do domingo para solicitar asistencia por este episodio ocorrido na contorna da rúa Clérigos e Fernando de Casas Novoa.

O 061-Urxencias Sanitarias enviou ao lugar unha ambulancia de soporte vital avanzado para atender ao novo futbolista e trasladalo, posteriormente, ao HULA, onde ingresou na UCI e presenta unha “evolución favorable”, segundo destaca nun comunicado o club de fútbol.

Gonzalo Cuéllar é irmán do xogador do CD Lugo Jaume Cuéllar. Tras este suceso, o conxunto lucense envía todo o seu “apoio e forza” á vítima e á familia: “O club atópase xunto a eles e en contacto constante”. “A familia ‘albivermella’ únese para arroupar a Gonzalo, a Jaume e á súa familia neste complicado momento e condena enerxicamente, como non podía ser doutra maneira, este deleznable suceso”, conclúe o Lugo.

A familia presentou denuncia ao longo da xornada do domingo ante a Policía Nacional, que mantén aberta unha investigación para esclarecer os feitos.

ÚLTIMAS

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...

Falece un home de 62 anos tras chocar o seu vehículo contra unha árbore en Abadín

Un home de 62 anos faleceu á primeira hora deste sábado nun accidente de...

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...