InicioSucesosDetidos en Rábade tras roubar 40.000 euros en material dunha nave

Detidos en Rábade tras roubar 40.000 euros en material dunha nave

A Garda Civil investiga tamén outras dúas persoas pola subtracción de varias xanelas de aluminio en Castro de Rei.

PUBLICADA O

- Advertisement -

Axentes da Garda Civil detiveron dous veciños de Lugo, de 38 e 46 anos de idade, como presuntos autores dun delito continuado de furto e outro de falsificación de documento mercantil. Segundo informaron fontes da Benemérita, os feitos ocorreron no termo municipal de Rábade, onde os detidos accederon ao interior dunha nave industrial con roupa e un vehículo simulando ser traballadores de repartición dunha empresa de paquetería.

Unha vez no interior, subtraeron material metálico valorado en 40.000 euros que, posteriormente, foi vendido en establecementos especializados de Lugo. Para facer esas vendas, os sospeitosos utilizaron identidades falsas co fin de eludir a acción policial. Os dous detidos xa foron postos a disposición do xulgado de instrución.

OUTRAS INVESTIGACIÓNS

Por outra banda, a Garda Civil informou da investigación doutros dous veciños de Lugo, de 20 e 43 anos de idade, como supostos autores dun delito de furto. Así, o Instituto Armado vincúlaos coa subtracción de varias xanelas de aluminio no termo municipal de Castro de Rei.

Do mesmo xeito, tamén é investigado un veciño de Mosteiro, de 57 anos de idade, como presunto autor dun roubo con forza, pola subtracción dunha motosierra e un xogo de chaves do interior dunha vivenda no municipio de Pol, á que accedeu mediante o método do escalo.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...