EFE | Axentes da Policía Local de Lugo identificaron un mozo de 20 anos de idade como suposto autor dun delito de danos no interior dun edificio na rúa Rei Don García. É sospeitoso de baleirar o contido dun extintor nas zonas comúns do inmoble, supostamente en estado de embriaguez, despois de participar nunha festa privada nun dos pisos.
Axentes da Policía Local de Lugo presentáronse no edificio tras ser alertados polos veciños e comprobaron os danos provocados nas zonas comúns do edificio e no ascensor, ademais de atopar no chan envoltorios de packs de bebidas alcohólicas.
As pescudas dos axentes leváronos a dar cunha testemuña do ocorrido, quen lles explicou que o mozo, aparentemente bébedo, baleirara o contido do extintor “para facer graza”.
A Policía Local informou de que, unha vez que a comunidade de veciños presente denuncia, remitiráselle a Xulgado de Garda a intervención policial.