InicioSucesosInvestigada unha veciña de Lugo por tirar once cadelos ao colector do...

Investigada unha veciña de Lugo por tirar once cadelos ao colector do lixo

Soamente sobreviviu un deles, recollido pola Protectora de Lugo.

PUBLICADA O

- Advertisement -

A Garda Civil imputa en calidade de investigada a unha veciña de Lugo como suposta autora dun delito de malos tratos animais por presuntamente tirar once cadelos nun colector do lixo.

Segundo fontes da Garda Civil, a protectora de Lugo recolleu en maio do ano pasado once cadelos que naceran había pouco tempo. Soamente un deles sobreviviu logo de ser lanzados dentro dun saco ao interior dun colector de lixo no termo municipal de Lugo.

Tras iso, iniciáronse varias liñas de investigación para localizar o responsable dos feitos, proceso durante o que destacan a colaboración da Sociedade Protectora de Animais e Plantas de Lugo. Deuse cunha cadela que aparentemente acababa de parir e realizóuselle unha mostra de material xenético e unha posterior análise comparativa de ADN que confirmou a compatibilidade e relación materno-filial da cadela co canciño sobrevivente.

Así pois, a dona da cadela foi imputada por un delito de malos tratos animais e os feitos foron comunicados á autoridade xudicial e á fiscalía de Lugo. A persoa investigada foi posta a disposición xudicial.

ÚLTIMAS

O sector da limpeza en Lugo critica a petición de adiamento da patronal para decidir se acepta a mediación

Traballadores do sector da limpeza en Lugo criticaron "unha nova mostra do "absoluto desinterese"...

Unha persoa resulta ferida nun choque entre un camión cisterna e un coche en Abadín

Un camión cisterna que transportaba leite chocou contra un coche e envorcou en Abadín....

A que se debeu a grande expansión do lume no incendio de Baleira?

Os incendios que cada ano asolan Galicia destrúen a nosa paisaxe, o noso patrimonio...

Unha residencia de Vilalba deberá readmitir a unha empregada despedida por reivindicar mellores condicións laborais

O Xulgado do Social número 1 de Lugo declarou nulo o despedimento dunha traballadora...