InicioSucesosUnha quincena de implicados nunha pelexa con navallas e botellas no centro...

Unha quincena de implicados nunha pelexa con navallas e botellas no centro de Lugo

Un mozo de 21 anos foi identificado como suposto autor da agresión a outro rapaz de 30, que recibiu un corte na cara. A parella dun deles foi detida por insultar e empuxar os axentes.

PUBLICADA O

- Advertisement -

EFE | Cinco patrullas do Corpo Nacional de Policía tiveron que intervir onte, á primeira hora da noite, para acabar cunha pelexa na que estaban a participar unhas quince persoas ás portas dun local hostaleiro na rúa Salvador de Madariaga, en Lugo. Segundas as testemuñas, algúns dos implicados ían armados con coitelos e botellas.

Fontes policiais informaron a Efe de que as cinco patrullas que estaban servizo nese momento foron a iso as 20:00 horas á rúa Salvador de Madariaga, despois de que un veciño alertase do suceso a través do 091.

Unha vez no lugar indicado, as patrullas atopáronse con xente que comezaba a dispersarse e cun mozo duns 30 anos que presentaba un corte na cara. A vítima, que foi trasladada ao HULA para recibir asistencia sanitaria -puntos de sutura para pechar unha ferida de 2,5 centímetros na cara-, identificou o suposto autor da agresión, outro mozo de 21 anos de idade, cuxos datos foron tomados polos axentes para tramitar as correspondentes dilixencias.

Tamén foi detida a noiva dun dos dous rapaces, que comezou a insultar, a increpar e mesmo a empuxar os axentes da Policía Nacional desprazados.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...