EFE | A Garda Civil detivo a catro persoas, tres homes e unha muller, por catro roubos con forza perpetrados en edificios e vehículos da localidade de Vilalba, así como por outro de furto e de receptación de material roubado.
Segundo informou a Garda Civil, os feitos sucederon o pasado mes de marzo, en pleno estado de alarma e coa poboación confinada nas súas casas. Os supostos autores deses roubos (veciños de Lugo, Alfoz, Vilalba e Cospeito) accederon ao interior de varios garaxes comunitarios, onde forzaron as portas de rochos e vehículos.
O botín consistiu en máquinas e ferramentas de albañilería, bicicletas, documentación e uns 300 euros en efectivo.
Así mesmo, a investigación tamén os relaciona cun roubo con forza perpetrado eses días nun vehículo que estaba estacionado no Campo da Feira de Vilalba.
En total, o valor dos subtraído ascende a uns 3.000 euros, mentres que o valor dos danos provocados ascende a 1.500 euros. Parte dos obxectos roubados foron recuperados e devoltos aos seus propietarios. As persoas detidas foron postas ao dispor da Xustiza.
