InicioSucesosInterceptan en tan só 25 minutos dous condutores sen carné

Interceptan en tan só 25 minutos dous condutores sen carné

A Garda Civil continúa con controis na estrada. Un dos identificados tamén incumpría o estado de alarma, pois confesou que "ía á casa dun amigo".

PUBLICADA O

- Advertisement -

Axentes da Garda Civil interceptaron nun intervalo de 25 minutos a dous condutores que circulaban nos seus respectivos coches sen ter en vigor o permiso de conducir. Foron cachados nun control de estrada instalado á altura do quilómetro 89 da estrada N-640, á altura da Campiña (Lugo).

Sucedeu o pasado venres, día 1 de maio, sobre as 13:15 horas, cando os axentes que participaban nese control de estrada lle deron o alto a un vehículo, a cuxo volante ía un home de 55 anos de idade que carecía de permiso de conducir en vigor, dado que perdera todos os puntos por infraccións previas.

Uns 25 minutos máis tarde, os axentes identificaron o condutor doutro turismo, un mozo de 20 anos de idade, que carecía de permiso de conducir, no seu caso porque nunca chegara a sacalo.

No primeiro caso, o condutor non foi sancionado por incumprir o estado de alarma, dado que ía comprar gasóleo para os seus apeiros agrícolas, pero o segundo se foi proposto para unha multa, dado que confesou que ía “a casa dun amigo”. Ambos foron imputados como investigados por cadanseu delito contra a seguridade viaria. As dilixencias foron remitidas ao Xulgado de Garda de Lugo.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...