InicioSucesosAs instalacións deportivas de Lugo terán cámaras de vixilancia para frear o...

As instalacións deportivas de Lugo terán cámaras de vixilancia para frear o vandalismo

Con esta medida pretenden "disuadir" os ataques sufridos nos últimos meses no Pavillón Municipal, no Pombal ou nas Gándaras, onde resultaron danadas varias máquinas expendedoras.

PUBLICADA O

- Advertisement -

O Concello de Lugo instalará cámaras de vixilancia nas instalacións deportivas municipais para frear os ataques vandálicos que se sufriron nos últimos meses.

O concelleiro de Deportes, Miguel Fernández, anunciaba esta mañá que os dispositivos de seguridade serán montados nos próximos días. Irán conectados á central receptora de alarmas, dende a que se dará aviso á Policía. É unha medida coa que tratan de “disuadir” os incidentes producidos en varios polideportivos da cidade e “que remataron con importantes danos nos inmobles e nas máquinas de vending“.

O último destes ataques tivo lugar o pasado 30 de novembro, cando resultaron danadas tres máquinas expendedoras no Pavillón Municipal dos Deportes, dúas nos polideportivos do Pombal e outras dúas no campo de fútbol das Gándaras. “Ademais dun prexuízo para os usuarios dos centros, estas condutas delitivas implican perdas económicas para a empresa que explota a ocupación de dominio público desas máquinas”, lamentou o edil Miguel Fernández.

Segundo explicou, a Xunta de Goberno desta mañá autorizou, excepcionalmente, a retirada temporal das expendedoras para poder reparalas. “Será só mentres se instala a videovixilancia, un tempo non superior a un mes, durante o cal se realizará tamén a redución prorrateada do canon que abonan ao Concello (661€ anuais por cada unha)”, engadiu o concelleiro.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...