InicioSociedadePor que os sanitarios non queren vir a Lugo?

Por que os sanitarios non queren vir a Lugo?

Do total de 202 prazas desertas no conxunto do Estado, 20 son na área sanitaria de Lugo.

PUBLICADA O

- Advertisement -

CIG-Saúde esixe medidas urxentes para “mellorar as condicións de traballo” dos profesionais de Atención Primaria, xa que considera que o feito de que quedasen desertas 39 prazas MIR de Medicina Familiar e Comunitaria en Galicia “confirma que incrementar o número de prazas MIR non é suficiente para ter máis profesionais”.

A central sindical cre que “só así” se fará atractiva esta especialidade e conseguirase “romper coa actual dinámica de falta de profesionais“. “Definir o persoal real nos Centros de Saúde que poida responder, con calidade, ás demandas da cidadanía; limitar as cargas de traballo; dignificar a docencia; reforzar as estruturas de xestión ou apostar por unha Atención Primaria vertebradora do territorio”, son algunhas das propostas de CIG-Saúde.

Neste contexto, nunha nota de prensa, a CIG detallou que do total de 202 prazas desertas no conxunto do Estado, 39 son en Galicia, das que “20 son na área sanitaria de Lugo; 14, na de Ourense; e cinco, na de Ferrol”.

Así, destacou que Galicia é a segunda comunidade con máis prazas desertas, despois de Castela e León, con 55. Do mesmo xeito que ocorreu o pasado ano, lamentou, a especialidade “non resultou o suficientemente atractiva para os futuros R1”.

De feito, na convocatoria do ano 2022 “quedasen 200 prazas de Medicina e Familia sen cubrir” e “foi necesario forzar unha segunda quenda de elección, no que aínda quedaron sen cubrir 93, seis delas na área sanitaria de Lugo”.

ÚLTIMAS

Pasará a disposición xudicial o profesor do CEIP Albeiros por presunto abuso a menores

O profesor do CEIP Albeiros de Lugo detido na xornada do mércores pola Policía Nacional investigado...

Ulloa Viva acusa a Rueda de “falta de respecto” aos participantes na manifestación contra Altri

A Plataforma Ulloa Viva tacha de "falta de respecto" cara aos asistentes á manifestación...

Hael Docampo, emprendedora que apostou pola gandería en Castroverde

Segundo sabemos, esta moza era máis de animais que de gando, pero co tempo...

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...