A tendencia descendente dos casos activos de Covid-19 en Galicia retardouse, ao situarse en 22.395, que implican 82 menos que o día anterior, mentres que os novos contaxios permanecen por encima dos 1.600, con seis máis que a xornada pasada. Pola súa banda, os pacientes hospitalizados por este coronavirus baixan a 486 –supoñen 23 menos– e a taxa de positividade repunta a un 14 por cento.
Segundo os datos actualizados este venres pola Consellería de Sanidade, con rexistros ata as 18,00 horas do xoves, recollidos por Europa Press, mantéñense 25 pacientes ingresados por UCI debido á Covid-19 en Galicia –sen cambios– e descenden a 461 os hospitalizados en unidades convencionais –23 menos– e 21.909 persoas atópanse en seguimento domiciliario. Hai unha semana había 584 hospitalizados.
Por áreas sanitarias,a de Lugo mantense como a única de Galicia sen pacientes ingresados en UCI, mentres conta con 43 noutras unidades de hospitalización –tres menos–.
CASOS ACTIVOS
Os casos activos, aínda que seguen en descenso, experimentan unha retardación na baixada e sitúanse en 22.395, que constitúen 82 máis que a xornada anterior, ao haber máis altas (1.760) que contaxios (1.682), ao que se engaden catro falecementos. Hai unha semana –o venres 18 de febreiro– había 32.823 infeccións activas.
De novo, esta redución non é xeneralizada nas sete áreas sanitarias galegas, xa que na de Lugo volven subir (+72) e queda con 2.774 casos.
FALECIDOS
Pola súa banda, as persoas falecidas pola Covid-19 desde o inicio desta pandemia aumentan a 3.090 en Galicia despois de notificar este venres a Consellería de Sanidade catro novas vítimas, unha delas falecida en Lugo o pasado 15 de febreiro. Trátase dun home de 86 anos de idade.
