Retidos por conducir sen puntos e ser reincidentes

Vehículo comisado na provincia de Lugo. GARDA CIVIL

A Garda Civil detectou a dous condutores nas localidades lucenses de Chantada e Ribeira de Piquín que carecían de permiso de condución por esgotar a totalidade de puntos. Ambos os casos xa tiñan sentenzas firmes polos mesmos feitos.

No termo municipal de Chantada, os axentes da Garda Civil interceptaron o pasado 17 de febreiro a unha condutora que, ademais de carecer de permiso de condución vixente, tamén arroxou un resultado positivo no test de drogas. As autoridades comprobaron que a muller xa fora investigada polos mesmos feitos en tres ocasións durante este ano.

O segundo caso foi detectado en Ribeira de Piquín, onde os axentes localizaron a un condutor que tamén tiña sen vixencia o permiso de condución e que, segundo comprobaron posteriormente, fora investigado por este mesmo motivo en tres ocasiones nos últimos tres meses. Nas súas últimas infraccións figura que se viu inmerso nun sinistro viario do que se ausentou, aínda que finalmente foi localizado e identificado.

A Garda Civil comisou os vehículos utilizados polos infractores, que foron postos a disposición da autoridade xudicial. Para ese efecto, instruíronse dilixencias que foron remitidas aos Xulgados de Instrución de Chantada e da Fonsagrada.

DEIXAR UN COMENTARIO

Please enter your comment!
Please enter your name here