A área sanitaria de Lugo experimenta un incremento de casos activos de coronavirus neste venres 30 de abril logo de varias semanas de certa estabilización. O Sergas notifica 236 pacientes infectados, 17 máis ca na xornada anterior. Asemade, detectáronse 23 novos positivos a través de PCR no último día.
O empeoramento da situación tamén afecta aos hospitais, que suman catro hospitalizacións máis, ata as 19. Do total de persoas ingresadas, catro están na Uci e os outros 15 en planta (cinco no Hula, tres na Mariña e sete en Monforte).
Dende o inicio da pandemia, faleceron en Lugo 213 persoas que foran diagnosticadas coa Covid-19, curáronse 11.997 e realizáronse 224.913 probas PCR.
