InicioSociedadeSeis dos quince pacientes ingresados en Lugo con Covid son atendidos no...

Seis dos quince pacientes ingresados en Lugo con Covid son atendidos no Hospital de Monforte

Os casos activos aumentan ata os 219 (+4), con 18 novos positivos nas últimas 24 horas.

PUBLICADA O

- Advertisement -

Continúa o incremento de casos activos de coronavirus na área sanitaria de Lugo, que xa rexistra 219 pacientes con infección (+4 respecto da xornada anterior). É unha suba menos pronunciada ca a experimentada no día de onte, pero vén acompañada de 18 novos positivos detectados nas últimas 24 horas a través de PCR.

Non aumenta o número total de doentes ingresados (15). Catro seguen na Uci do Hula. Os outros once distribúense do seguinte xeito nas unidades de hospitalización: catro no Hula, un no Hospital da Mariña e seis no de Monforte. Este último centro hospitalario encadea xa tres días consecutivos con novos pacientes.

Dende o inicio da pandemia, faleceron en Lugo 213 persoas diagnosticadas coa Covid, curáronse 11.991 e realizáronse 223.812 probas PCR.

GALICIA

No ámbito autonómico, os novos contaxios detectados aumentan a 230 e os pacientes hospitalizados debido a este coronavirus subiron a 211 (+4). Mentres, os casos activos manteñen a tendencia ascendente por terceira xornada consecutiva. Podes ler a información completa no Galicia Confidencial.

ÚLTIMAS

Aviso amarelo por treboadas localmente fortes en toda a provincia este martes

Unha borrasca no oeste deixou choivas xeneralizadas nas horas centrais deste luns, con intensidade puntualmente...

Primeiros servizos ‘Intercity Express’ para reforzar as conexións directas A Coruña-Lugo-A Mariña

O Consello da Xunta aprobou este luns o proxecto de acordo polo que se autoriza a contratación...

Interceptados dous xinetes que circulaban borrachos dacabalo por zona peonil no Arde Lucus

A Policía Local de Lugo notificou ao longo do fin de semana, cando se intensificaron os...

(Vídeo) O circo romano fixo vibrar ao Arde Lucus

Como cada ano, un dos momentos máis agardados da festa do Arde Lucus é o...