As loitas pola recuperación dunha sanidade pública presencial e polo “emprego de calidade” para os profesionais sanitarios están resoando en toda Galicia. Dende a Asociación Pediatras e Matronas Xa, conformada por un grupo de nais e pais “en defensa da sanidade pública de calidade para as crianzas e as mulleres embarazadas en Galicia”, poñen o foco en concreto no “desleixo” da administración pública á hora de atender estes dous colectivos vulnerables, onde é “aberrante” a falta de servizos.

Un “desleixo” que provoca que “as crianzas dun pobo non teñan pediatra e sexan atendidas polo médico de familia, que como moito, fixo un curso de puericultura; ou que as mulleres embarazadas teñan que ser atendidas en hospitais de referencia que poden estar a unha hora de camiño”, explica ao teléfono a portavoz da asociación, Vanessa Viquendi.
Please wait while you are redirected...or Click Here if you do not want to wait.