- Advertisement -
A área sanitaria de Lugo rexistra un leve descenso de casos activos e novos positivos de coronavirus este martes 30 de marzo. Segundo datos do Sergas, nas últimas 24 horas confirmáronse só tres contaxios a través de PCR, e o número total de pacientes con infección activa mingua ata os 168 (7 menos ca na xornada anterior).
Porén, aumenta o número de hospitalizacións: 14 (+1). Delas, 2 son na Uci e 12 en planta (8 no Hula, 1 na Mariña, 3 en Monforte).
Dende o inicio da pandemia, Sanidade notificou 211 falecementos na provincia lucense, 11.647 persoas curadas e 205.349 probas PCR realizadas.