Rubén Arroxo vén de estrear o seu perfil oficial na rede social TikTok. O Tenente de Alcalde explicou que “esta rede social conta cun gran número de usuarias e usuarios en Lugo, especialmente entre a mocidade, público ao que faremos chegar as distintas propostas das promovidas polas concellerías de Cultura, Mobilidade, Participación, Educación e Infraestruturas”. Por iso, dixo, o seu obxectivo é “animar tamén á mocidade a coñecer e utilizar os servizos municipais”.
O primeiro contido publicado pola Tenencia de Alcaldía ten como obxectivo promocionar o uso do transporte público e do pago mediante a Tarxeta Cidadá. “Comezamos coa promoción previa á modernización do servizo do transporte urbano, e seguimos animando a realizar o pago usando a Tarxeta Cidadá” afirmou Rubén Arroxo, que explicou, “coa tarxeta, o prezo do billete redúcese de 0,64€ a 0,45€, ou incluso 0,31 no caso de ter dereito a algunha bonificación, pagando só 0,19€ se se realiza un transbordo”. As publicacións da Tenencia de Alcaldía no TikTok poderán seguirse a través do perfil https://www.tiktok.com/@comunicaciontalcaldia.
