As autoridades sanitarias informaron na tarde deste luns doutro tres falecementos de persoas diagnosticadas con covid-19, o que eleva a 2.278 as vítimas mortais ligadas coa pandemia en Galicia.

En concreto, o tres mortes das que informa Sanidade producíronse este domingo: unha anciá de 85 anos no Hospital Universitario Lucus Augusti (HULA), outra muller de 74 anos no Complexo Hospitalario Universitario de Santiago (CHUS) e un home de 78 no Complexo Hospitalario de Pontevedra (CHOP). Todos tiñan patoloxías previas.

Previamente, na mañá deste luns informouse doutro sete falecementos. Todos se rexistraron entre o venres e o domingo, e trátase de homes entre os 67 e os 92 anos de idade, tamén con patoloxías previas.