InicioSociedadeO fiscal mantén a petición de 5 anos de cárcere para Liñares...

O fiscal mantén a petición de 5 anos de cárcere para Liñares e rebaixa as penas do resto

PUBLICADA O

- Advertisement -

A Fiscalía mantén a petición de cinco anos de cárcere para Francisco Fernández Liñares por prevaricación e suborno nas adxudicacións da Confederación Hidrográfica Miño-Sil. En cambio, rebáixase a petición a un ano e tres meses para oito dos nove empresarios acusados nesta mesma peza da Pokémon.

Ademais, mantense a petición por suborno para o noveno empresario, o único que non recoñeceu no xuízo a entrega de diñeiro a Liñares a cambio de adxudicacións feitas pola Confederación Hidrográfica Miño-Sil entre os anos 2009 e 2012.

Precisamente, a anulación das probas que admitiu o alto tribunal incumbe ás actuacións a partir do 23 de setembro de 2012 e, principalmente, como apuntou o fiscal nas súas conclusións, a este acusado, que foi o único que seguiu unha liña distinta ao resto de empresarios. Para este empresario pediu tres anos de prisión.

No xuízo, os outros oito acusados recoñeceron que fixeron entregas de diñeiro a Liñares, que oscilaban de entre os 15.000 ata os 25.000 euros, como contraprestación ás adxudicacións que recibían as súas empresas. O expresidente da Confederación negounas.

O fiscal apuntou que a rebaixa da pena que propuña, fronte aos cinco anos iniciais igual que para o resto de acusados, debíase ás “dilacións” no procedemento, que non observa para o principal acusado da causa.

O xuízo quedou suspendido e retomarase ás 17:00 horas na Audiencia de Lugo, que prevé deixalo nesta xornada listo para sentenza.

ÚLTIMAS

O Arde lucus xa está aquí, as lexións romanas tomaron a cidade

Preto de chegar ás 21,00 horas na ponte romana da cidade, dun lado estaban,...

Investigado un traballador do Concello de Lugo por presuntos abusos sexuais

Un traballador social do Concello de Lugo atópase actualmente investigado como presunto autor dun...

O loteiro lucense detido polo atraco ao seu propio negocio queda en liberdade

O loteiro lucense detido o martes pola súa presunta implicación no atraco perpetrado contra a súa propia...

O Concello adianta dúas horas o peche das discotecas, ás 4,00 horas

O goberno municipal de Lugo adiantou dúas horas, das 6,00 ás 4,00 horas, o...