- Advertisement -
O total de casos activos por coronavirus na área sanitaria de Lugo rexistra hoxe un descenso importante, ao contabilizarse este xoves 17 de decembro 433 pacientes con infección activa (29 menos ca onte). Así mesmo, tamén minguan os contaxios. Lugo suma hoxe 15 casos novos confirmados a través de PCR nas últimas 24 horas.
Nos hospitais non hai demasiados cambios máis alá de reducirse lixeiramente o número de pacientes ingresados (hoxe son 23 fronte os 24 de onte). O HULA atende cinco na UCI (-1) e 12 en planta; o da Mariña, tres; e o de Monforte, outros tres.
Segundo o recompilatorio do Sergas, a provincia lamenta 141 vítimas mortais da pandemia da Covid-19. A última, notificada onte, foi unha muller usuaria da residencia de Guntín.
Por outra banda, rexístranse 6.134 persoas curadas e ata o momento fixéronse 115.604 PCR (990 onte).
