A residencia de maiores de Vilalba rexistra quince usuarios enfermos de coronavirus despois de que outros dezasete recibiran a alta médica por curación.
Non obstante, este xeriátrico segue sendo o centro galego con máis positivos entre o cadro de persoal. Segundo datos da Consellería de Política Social, hai un total de 29 traballadores afectados.
No conxunto da comunidade galega, o cómputo de maiores contaxiados descendeu este martes ata os 228 tras falecer onte unha persoa usuaria dun centro pontevedrés e tras darse a alta a 24 pacientes.
