A aldea do Mazo acollerá un encontro entre mulleres con discapacidade intelectual do 24 ao 26 de setembro organizado por FADEMGA, a través do cal preténdese promover novos vínculos e alianzas entre mulleres nun ambiente formativo e lúdico. O escenario tampouco é casual: unha contorna natural coa que se reinvidicara a necesidade de visualizar ás mulleres do rural.
O acto principal terá lugar o día 26 coa presentación da nova curtametraxe da Federación “Lilith”, unha antoloxía de relatos que abordarán dende unha perspectiva poética as dificultades, a intolerancia e o sufrimento das mulleres con discapacidade intelectual. Centrado no implícito por enriba do explícito, trataranse temas como a maternidade, a culpa, a infantilización a sexualidade ou o decoñecemento social que hai cara a discapacidade intelectual.
O programa tamén contará cunha mesa redonda sobre as mulleres con discapacidade intelectual no ámbito rural, obradoiros de expresión corporal e artística e novos retos que están por vir. A inscrición para participar neste encontro permanecerá aberta ata o vindeiro 16 de setembro e deberá enviarse cumprimentada a areasocial@fademga.org.
