Os hospitais galegos non comunicaron este domingo, por cuarto día consecutivo esta semana, ningún falecemento vinculado coa pandemia do coronavirus. As dúas últimas mortes foron notificadas o martes e o mércores. En total, en Galicia o número de falecidos ligados co COVID-19 ascende a 618.
En canto á situación na área sanitaria de Lugo, os datos apuntan a que segue a tendencia á melloría. Este domingo 7 de xuño rexistrábanse 30 casos, tres menos ca onte, cun só paciente hospitalizado no HULA.
Na provincia os falecementos mantéñense en 28 e rózanse as 900 curacións.
