InicioSociedadeEstabilidade no número de positivos activos na provincia de Lugo

Estabilidade no número de positivos activos na provincia de Lugo

Sanidade informa de 223 casos, un máis ca onte. Cinco pacientes permanecen nas UCI e outros seis están hospitalizados en planta.

PUBLICADA O

- Advertisement -

A área sanitaria de Lugo rexistra este luns 4 de maio un total de 223 casos activos por coronavirus, un máis ca onte, segundo os datos ofrecidos pola Consellería de Sanidade. Mantense estable a presión nos hospitais da provincia, con cinco doentes nas Unidades de Coidados Intensivos e outros seis hospitalizados en planta.

A UCI da Mariña atende dous pacientes, mentres que outros tres están na do HULA. Respecto dos ingresos en planta, o Hospital dos Ollos Grandes acolle tres enfermos, o HULA só un e o hospital mariñao volve contabilizar un positivo, logo de varios días sen ningunha hospitalización deste tipo. O de Monforte é o único centro público da provincia que segue libre de COVID-19.

Por outra banda, Sanidade informa de 212 positivos que reciben atención no seu domicilio, un máis ca na xornada de onte. As “curacións” ascenden ata as 616, de acordo ao novo protocolo seguido para a contabilización de altas. Á súa vez, a pandemia deixou 26 vítimas mortais na provincia, cifra que non varía dende hai case dúas semanas.

GALICIA

Os datos para o conxunto da comunidade galega, segundo a Consellería de Sanidade, revelan un total de 3.056 casos activos, con 6.234 persoas curadas e 569 falecidos. As dúas últimas mortes producíronse en residencias de maiores (A Coruña e Ourense).  O número de PCR realizadas é de 104.990.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...