InicioSociedadeA Xunta retoma as obras no antigo hospital Xeral de Lugo

A Xunta retoma as obras no antigo hospital Xeral de Lugo

Os operarios continúan coa demolición das estruturas interiores do vello Materno-Infantil, onde posteriormente se erixirá o Centro Integral de Saúde.

PUBLICADA O

- Advertisement -

EFE | A Xunta de Galicia informou de que reiniciou as obras de rehabilitación e reforma do antigo Hospital Materno Infantil de Lugo, dentro do complexo do Xeral —no barrio da Residencia—, para habilitar nese edificio o primeiro Centro Integral de Saúde que funcionará na comunidade autónoma.

As obras retomáronse “unha vez transcorrido o período de suspensión das actividades non esenciais”, segundo explicou o delegado territorial da Xunta en Lugo, José Manuel Balseiro.  Os traballos comezaran “apenas un mes antes da suspensión”, polo que “aínda están na primeira fase”, que consiste na “demolición das estruturas interiores” do edificio para a creación de novos espazos, adaptados ás necesidades do Centro Integral de Saúde.

“Desde o pasado martes, os operarios continúan cos labores de derriba de tabiques e retirada de entullos e outro material, aínda que se extremaron as medidas de precaución, como o uso de máscaras e o respecto das distancias de seguridade.

O proxecto conta cun orzamento de 12 millóns de euros e o prazo de execución previsto é de 20 meses.

ÚLTIMAS

A UNED de Lugo finaliza o curso cun aumento do 13% na súa matrícula

O Centro Asociado da UNED en Lugo acolleu este xoves a reunión ordinaria da...

Creado un punto de atención en Portomarín para dar asistencia básica e curas aos peregrinos

O conselleiro de Sanidade, Antonio Gómez Caamaño, destacou a colaboración entre o seu departamento...

Condenan a 8 anos ao home que matou ao seu pai cun disparo na cabeza

C.V.V., un veciño de 49 anos, aceptou este mércores declararse culpable do asasinato con...